मोरङ । विराटनगर महानगरपालिका-१५ बाट लागुऔषधसहित १ जना पक्राउ परेका छन् ।
इलाका प्रहरी कार्यलय रानीबाट खटिएको प्रहरी टोलिले भारतीय बजार जोगवनीबाट नेपाल आउँदै गरेका सोलुखुम्बु नेले घर भई इटहरी उप-महानगरपालिका-४ बस्ने २६ वर्षीय अमन मुखियालाई जाँच गर्ने क्रममा मुखियाको साथबाट लागूऔषध भेटिएको थियो ।
उनको साथबाट डाईजेल्याव ९ एम्पुल, लुपिजेसिक-९ एम्पुल, एभिल ९ एम्पुल र फेनारागन ९ एम्पुल बरामद गरिएको छ ।
लागुऔषधसहित पक्राउ परेका मुखियालाई इलाका प्रहरी रानीमा राखि थप अनुसन्धान गरिरहेको उक्त कार्यालयले जनाएको छ ।
