भोजपुर । षडानन्द नगरपालिका-३ का २२ वर्षीय प्रदिप बस्नेत हत्याको आरोपमा पक्राउ परेका छन् ।
बस्नेतले शनिबार राति करिब सवा ७ बजे स्थानीय २८ वर्षीय कल्पना राईलाई धारिलो हतियार तथा ढुङ्गाले प्रहार गरी हत्या गरेका हुन् । खार्ताम्छाको सोमबारे हाटबाट घर फर्कदै गरेका मृतक कल्पना राई र १८ वर्षिया नविना राईलाई बस्नेतले उपङखा भन्ने स्थानमा अन्धाधुन्द खुकुरी तथा ढुङगाले प्रहार गरेका थिए ।
खुकुरी प्रहारबाट कल्पनाको घटनास्थलमा नै मृत्यु भएको तथा नविना घाइते भएकी थिइन् । घटनाको जानकारी पाएलगत्तै प्रहरी चौकी कुदाकाउलेबाट खटिएको प्रहरी टोलीले घाइतेलाई उद्धार गरी उपचारको लागि उप-स्वास्थ्य चौकी खार्ताम्छा पठाएको थियो । घटनास्थलमा इलाका प्रहरी कार्यालय दिङलाबाट थप प्रहरी टोली खटि गई कानूनी प्रकृया पुरा गरी शव परीक्षणको लागि अस्पताल पठाउने कार्य तयारी भइरहेको प्रहरीले जनाएको छ ।
घटना घटाई फरार रहेका प्रतिवादीको खोजतलास गर्ने क्रममा सोमबार बिहान साढे ५ बजे षडानन्द नगरपालिका-५ मा लुकिछिपी बसिरेको अवस्थामा बस्नेतलाई पक्राउ गरीएको जिल्ला प्रहरी कार्यालय भोजपुरले जनाएको छ ।
