सुनसरी । प्रहरीले बुधबार बिहान राति १ बजेको समयमा सुनसरीको इनरुवाबाट तास खेलिरहेको अवस्थामा ७ जनालाई पक्राउ गरेको छ ।
इनरुवा १ मा रहेको नम्रता होटलमा तास खेलिरहेको भन्ने सूचना पाएसँगै जिल्ला प्रहरी कर्यालय सुनसरीबाट खटिएको प्रहरी टोलीले उनीहरुलाई पक्राउ गरेको हो । पक्राउ पर्नेहरुमा स्थानीय प्रदिप कुमार साह, रवी साह, राजकुमार साह, शम्भु कुमार साह, हसवुल मन्सुरी, राम बहादुर तामाङ र रामानन्द मण्डल रहेका छन् ।
तासको खालबाट प्रहरीले ७ थान मोबाइल, नेपाली रुपैयाँ ८१ हजार ५ सय ७० र भारतीय रुपैयाँ ६ हजार ६ सय ८० समेत बरामद गरेको छ ।
त्यसैगरी मंगलबार राति साढे ८ बजे मोरङको कटहरी गाउँपालिका २ सुरेश मण्डलको घरमा तास खेलिरहेको भन्ने सूचनाका आधारमा जिल्ला प्रहरी कार्यालय मोरङबाट खटिएको प्रहरी टोलीले घरधनीसहित स्थानीय मुनेश्वर मरिक, दिपक मरिक, शिवेन्द्र मरिक, मोहम्बर साफी र दिरज गुप्तालाई पनि नियन्त्रणमा लिएको छ । उक्त तासको खालबाट प्रहरीले १ बुङ तास र नगद ६८ हजार ९ सय ६० समेत बरामद गरेको छ ।
