सुनसरी । बराहक्षेत्र नगरपालिका वडा नम्बर ५ कालाबन्जारमा नेकपाले लिपुलेक कालापानीलगायत नेपाली भू–भागलाई भारतले आफ्नो नक्सामा समेटेको भन्दै विरोध प्रदर्शन गरेको छ ।
साबिक भरौल वडा नम्बर ३, ४ र ५ नेकपा कमिटीले कालाबन्जार बजार क्षेत्रमा विरोध प्रदर्शन गरेको हो ।
विरोध प्रदर्शनमा भारनीय बिस्तारवाद मुर्दाबाद, गो ब्याक इन्डिया, सिमानामा घर छ रातारात भारतीय भइन्छ कि भन्ने डर छ’ लिपुलेक हाम्रो हो भन्ने नारासहित नेपालको एक चिम्टी भू–भाग कसैले मिच्न नपाउने जस्ता नारा लगाइएको थियो ।
उक्त बिरोध सभामा नेकपाको बराहक्षेत्र नगर अध्यक्ष कमल कटुवाल, जिल्ला सदस्य योगराज खड्का, नेकपाका वडाध्यक्ष, सचिव लगायतको उपस्थिति रहेको थियो ।
लिपुलेकलगायतका नेपालका पश्चिमी भूभाग भारतले आफ्नो नक्सामा समावेश गरेपछि यतिबेला देशभरी विरोधका कार्यक्रम भइरहेका छन् ।
