सुनसरी । जिल्लाको हरिनगर गाउँपालिका भुटाहामा ‘रक्तदान जीवनदान’ भन्ने मुल नाराका साथ वृहत रक्तदान कार्यक्रम सम्पन्न भएको छ ।
सामाजिक विकासका लागि एेकबद्धता नेपाल (एलाइन्स नेपाल) को आयोजना तथा नेपाल रेडक्रस सोसाइटी सुनसरी जिल्ला शाखा धरानको संयोजनमा रक्तदान कार्यक्रम भएको हो ।
हरिनगर गाउँपालिका भरिका प्राथमिक स्वास्थ्य केन्द्रका टिम लगायत गोल्डेन सन ट्राभल्स एण्ड टुर्स प्रा. लि.का अरसद अन्सारी, हरिनगर गाउँपालिका मेलमिलाप संयोजक अलाउद्दीन अन्सारी, फिरोज सिद्दिकी, मोलाना सहाबुदीन अन्सारी, सुनिल कुमार साह, भोला प्रसाद गुप्ता, अमर जैन,जियाउदिन अन्सारी, ठिक्दार अलाउद्दीन अन्सारी, व्यापारी प्रमोद मेहताको सहयोगमा रक्तदान कार्यक्रम सम्पन्न भएको हो ।
बिहान ७ बजे सुरु भएको रक्तदान दिउँसो ११ बजेसम्म सञ्चालन भएको थियो । रक्तदान कार्यक्रममा ३६ जनाले रगत दान गरेको सामाजिक विकासका लागि एकबद्धता नेपाल संस्थाको अध्यक्ष नइम अन्सारीले जानकारी दिए ।
सो कार्यक्रममा प्रमुख अथिति सुनसरी क्षेत्र नं. ४ ख का प्रदेश सांसद हाजि ताहिर अन्सारी, विशेष अथिति हरिनगर गाउँपालिका अध्यक्ष गफार अन्सारी एवम् गाउँपालिका उपाध्यक्ष रिमझिम भगत, अथितिहरु भुटाहा शसस्त्र प्रहरी बलका प्रमुख सुमन बुराथोकी, भुटाहा प्रहरी चौकीका प्रमुख उदेय प्रसाद कटेल, १ नम्बर वडा अध्यक्ष अबदुल लतिफ अन्सारी, कार्यपालिका सदस्य सुशील कुमार ठाकुर, ६ नम्बर वडा सचिव शमिम अन्सारी, नेपाली कांग्रेस हरिनगर गाउँपालिका सभापति शिवहरि श्रेष्ठलगायत थिए ।
त्यसै गरी कार्यक्रममा हरिनगर गाउँपालिका स्वास्थ्य शाखा प्रमुख प्रकाश थापा मगर, नेपाल रेडक्रस सोसाइटी सुनसरी जिल्ला शाखा कोषाअध्यक्ष विष्णु मंडल, समाजसेवी तथा युवा नेता अकिल अन्सारी, बसन्तपुर गाविस पूर्वअध्यक्ष सिगमलाल यादव, जय प्रकाश साह, नेपाल पिछडावर्ग (ओबिसी) महासंघ केन्द्रीय सदस्य इलियास हजाम, प्रदेश नं. १ का अध्यक्ष कृष्ण प्रसाद मेहता, कांग्रेस भुटाहा सभापति सराजुद्दीन अन्सारीलगायत थिए ।
प्रदेश नम्बर १ का विभिन्न अस्पतालहरुमा हुने रगत अभावलाई न्यूनीकरण गर्न नेपाल रेडक्रस सोसाइटी सुनसरी जिल्ला शाखा धरानसँगको साझेदारीमा संस्थाले मिलेर रक्तदान कार्यक्रम गरिएको सुनसरी जिल्लाको इनरुवा देखि दक्षिण भेगमा बसेर सक्रिय पत्रकारिता गरिरहेका पत्रकार तथा रक्तदान कार्यक्रमका अध्यक्ष नसीम अन्सारीले जानकारी दिए ।
