मोरङ । पथरीशनिश्चरे नगरपालिका वडा नम्बर ८ मा स्थापित प्रभात सामुदायिक युवा क्लबले रक्तदान कार्यक्रम आयोजना गरेको छ ।
क्लबले आफ्नो २५औं स्थापना दिवसको अवसरमा आयोजित साताव्यापी कार्यक्रम अन्तर्गत सोमबार रक्तदान कार्यक्रम गरिएको क्लबका अध्यक्ष नविन कार्कीले बताए । रजत महोत्सवको चौथो दिन सोमबार भएको सो रक्तदानमा ५१ पिन्ट रगत संकलन गएको छ ।
लियो क्लब अफ पथरीको आयोजना र मोरङ रेडक्रसको प्राबिधिक सहयोगमा प्रभात सामुदायिक युवा क्लबको हलमा रक्तदान भएका थियो । कार्यक्रममा नगरप्रमुख दिलिप कुमार राई, ८ नम्बर वडाध्यक्ष बाबुराम दाहाल, ९ नम्बर वडाध्यक्ष भानुभक्त राई, नगर स्वास्थ प्रमुख मुरारी आचार्य, लायन्स क्लब अफ पथरीका प्रमुख रोशन बुढाथोकी, लियो क्लब अफ पथरीकी अध्यक्ष एन्जिला पोख्रेल लगाएतको उपस्थिति थियो ।
साथै सोमबार (आज) नै सोमबारे बजारमा घैला फुटाई कार्यक्रम भएको थियो । सो कार्यक्रममा बिक्रम बस्नेत प्रथम भएका छन् । सात दिनसम्म संचालन हुने कार्यक्रममा म्याराथुन, स्लो बाइक रेस, स्लो साइकल रेस, हाजिरी जवाफ, रचना वाचन, रक्तदान, हात धुने तालिम सञ्चालन हुनेछ ।
त्यसैगरी ढल्के जोवन फुटबल, तृष्ण बुद्धि परीक्षण, सांस्कृतिक कार्यक्रम, जातीय झाँकी लगाएतका कार्यक्रमहरु रहेको अयोजक क्लबका अध्यक्ष नविन कार्कीले बताए ।
