सुनसरी । बराहक्षेत्र नगरपालिकामा वडा नम्बर ४ मा सोमबार बराहक्षेत्र नगरपालिकाका प्रमुख निलम खनालले स्वास्थ्य केन्द्रको भवन शिलान्यास गरेका छन् । ४ नम्बर वडा कार्यालयको आयोजनामा कार्यालय अगाडि भवन शिलान्यास गरिएको वडाध्यक्ष आसाराम चौधरीले बताए ।
वडा नम्बर ४ को कार्यालय बनाउन स्थानीय प्रमिला कार्कीले ५ कठा जग्गा निःशुल्क उपलब्ध गराएको र सोही जग्गामा स्वास्थ्य केन्द्र समेत निर्माण गर्न लागिएको चौधरीले बताए ।
कुल बजेट ३६ लाख ८० हजार ६० रुपैयाँमा बराहक्षेत्र कन्ट्कसनले भवन निर्माण गर्न जिम्मा लिएको छ । असार मसान्तसम्म सम्पन्न गर्नुपर्ने सम्झौता रहेकोको सो भवन एक तले ४ कोठाको हुने छ ।
अहिले बराहक्षेत्र नगरमा प्राथमिक स्वास्थ केन्द्र चतरा र नगर हस्पिटल चक्रघटी, भरौल स्वास्थ चौकी, प्रकाशपुर स्वास्थ चौकी र मधुवन स्वास्थ केन्द्र रहेपनी अब प्रत्येक वार्डमा आधारभुत स्वास्थ्य केन्द्र निर्माण गर्ने सरकारको लक्ष्य छ ।
सोही अनुसार नगरमा ४ वटा आधारभुत स्वास्थ केन्द्र निर्माण हुँदैछ । सबै प्रक्रिया पूरा गरि टेन्डर समेत लगाइएको छ । कतै निर्माण भइरहेको छ भने कतै शिलान्यास भइरहेको छ ।
बराहक्षेत्रको ३, ४, ८ र ९ नम्बर वडाको लागि केन्द्रबाटै आधारभूत स्वास्थ केन्द्रको बजेट परेको थियो । उक्त स्वास्थ केन्द्र बनाउन केही वडाध्यक्षहरुले जग्गा समेत उपलब्ध गराएका छन् ।
