सुनसरी । बराहक्षेत्र नगरपालिका भित्रका ११ वडा कार्यालयमा कार्यरत सचिवहरुलाई नगरपालिकाले फेरबदल गरेको छ।
असोज २ गतेको पत्र अनुसार साविक वडामा २४ वर्षदेखि तत्कालिन गाउँ विकास कार्यालय हुँदै कार्यरत कर्मचारीहरु नगरपालिका भएपछि वडा सचिव भएका थिए ।
निजामती कर्मचारी भए पनि एउटै स्थानमा काम गर्दै आएका कार्मचारीलाई यस बराहक्षेत्र नगरपालिकामा गत असारदेखि निमित्त प्रशासकीय अधिकृत सातौं मनुकुमार लिम्बूले सम्हालेका थिए । लिम्बूले गत असोज २ गते सबै वडाका सचिवलाई सरुवाको चिठी पठाए पनि सरुवा हुन सकेको थिएन ।
मंसिर ८ गतेदेखि वडा सचिवहरु सरुवा भर्इ वडाका प्रन्जिकर र विकास निर्माणका काम नयाँ सचिवले सेवा दिने सुरु समेत गरेको छ्न् । युवा निमित्त अधिकृत लिम्बु आएपछि यस बराहक्षेत्र पहिलो पटक फेरबदल गरेका हुन् ।
वडा नम्बर १ मा लक्ष्मण पौडेल, वडा २ मा गोपाल शर्मा, वडा नम्बर ३ मा पुर्णमाया पौडेल, वडा ४ र ५ मा निलम कार्की, वडा ८ मा गंगा माया लिम्बू, वडा १० मा सुर्य पौडेल, वडा ९ मा होम प्रसाद लिम्बु र वडा ११ मा गौरी राय सरुवा भइ कामकाज समेत सुरु गरेको अधिकृत सातौं लिम्बूले जानकारी दिए ।
