सुनसरी । इटहरीमा चर्चित गायक दुर्गेश थापा र चर्चित गायिका इन्दिरा जोशीको प्रस्तुतिसहितको सांस्कृतिक कार्यक्रम हुने भएको छ ।
सोसियल रिकन्स्ट्रक्सन फाउन्डेसनको आयोजना तथा युथ कल्ब र एल एंड सी को सह–आयोजनामा मंसिर २६ गते एक दिने इटहरी म्युजिक फेस्टिवल (सांस्कृतिक कार्यक्रम) हुन लागेको फाउन्डेसनका अध्यक्ष राम निरौलाले बताए ।
कार्यक्रमबाट संकलित रकम माया घरमा सहयोग गर्ने, अनाथ तथा असाहयहरुका लागि न्यानो कपडा वितरण गर्ने फाउन्डेसनका निरौलाले बताए । नेपाल पर्यटन वर्ष २०२० लाई प्रवद्र्धन गर्ने उद्देश्यले इटहरी म्युजिक फेस्टिवल आयोजना गर्न लागेको यसै कार्यक्रमका सह संयोजक निकेश खतिवडाले बताए ।
साथै यसै कार्यक्रममा रङ वे समेत रहेको यसै कार्यक्रमका सदस्य दिपक गिरिले जानकारी दिए । यस कार्यक्रमको इभेन्ट पार्टनरको रुपमा सोच खबर प्रा. लि.रहेको छ भने भने हस्पिटालिटी पार्टनरको रुपमा बगान होटेल छ ।
राष्ट्र मा.बि.को खेल मैदानमा हुने फेस्टिबलमा थापा र जोशीसँगै अन्य कलाकारहरु सौरव भट्टराई ,सैलेश निरौला, हिडेंन टेम्पल ब्याण्ड, प्रतिक अधिकारीले समेत आफ्नो प्रस्तुती दिनेछन् ।
