सुनसरी । बराहक्षेत्र नगरपालिले लौगिंक हिंसा विरुद्धको १६ दिने कार्यक्रम श्रीलंका टापुबाट सुरु गरेको छ ।
‘समानताको पुस्ता, बलात्कार विरुद्धको एक्यवद्धता’ भन्ने नाराका साथ बराहक्षेत्र ६ श्रीलंका टापुबाट उदघाटन गरिएको हो । १६ दिवसीय लैङ्गिक हिंसा विरुद्धको अन्तर्राष्ट्रिय अभियानको सुरुवात बराहक्षेत्र नगरपालिकाले बिकट गाउँ श्रीलन्का टापुबाट गरेको हो ।
बराहक्षेत्र नगरपालिका, पारालिगल कमिटी नेपाल, ओरेक नेपाल (महिला पुनस्थापना केन्द्र), कोकन, सक्षम युवा क्लब, लैङ्गिक हिंसा नियन्त्रण बराहक्षेत्र नगर सन्जालको आयोजनामा हिंसा विरुद्धको बिरोध र एक्यवद्धताको लागि सेतो रिवन वितरण र र्यालीसहित सचेतना मुलक कार्यकम गरिएको सक्षम युवा क्लबका अध्यक्ष रोहिता भट्टराईले बताइन् ।
लौगिंक हिंसाबिरुद्ध वर्ष दिन नै कार्यक्रम गरिने भएपनि जनचेतना जगाउने उदेश्यले १६ दिन विशेष कार्यक्रम गरिने आयोजकले जनाएको छ । दोस्रो दिन मंगलबार कालाबन्जरमा हिंसा विरुद्धको बिरोध र एक्यवद्धताको लागि सेतो रिबन बितरण साथै महिला तथा घरेलु हिंसा सम्बन्धि र्याली सुरु भएर वडा न ३ को भानु चौकमा महिला हिंसा तथा घरेलु हिंसा सम्बन्धि अन्तरक्रिया, प्रशीक्षण गरी सडक नाटक प्रस्तुत गरिएको थियो ।
बराहक्षेत्रका असइ विपेश देबले विद्यार्थी तथा सहभागीहरुलाई महिला हिंसा, घरेलु हिंसा, यौन दुव्र्यवहार, बलात्कार सम्बन्धि प्ररीक्षण दिएका थिए । उक्त कार्यक्रममा नगर उपप्रमुख कमला मगरको प्रमुख आतित्थयता, वडा अध्यक्ष रुद्र दाहालको अध्यक्षता तथा वडाध्यक्ष, सदस्य, कार्यपालिका सदस्य, महिला तथा बालबालिका कार्यलय प्रतिनिधि रीता घिमिरे, सामाजिक विकास प्रमुख अरुण मेहता, पारालिगल जिल्ला अध्यक्ष विना खनाल,लगायतको उपस्थिती थियो ।
अभियान २४ गते कार्यपत्र प्रस्तुत गर्दै समापन गरिने आयोजकले जानकारी दिएको छ ।
