सुनसरी । अहिले विश्वब्यापी कोरोना भाइरस फैलिएको अवस्थामा कालोबजारी नहोस भन्ने उद्देश्यले सुनसरीको बराहक्षेत्र नगरपालिकाले बजार अनुगमन सुरु गरेको छ ।
अहिले बजारमा खाद्यान्न बस्तु नुन,ग्यासलगायत सामाग्रीहरुको अभाव भएको बन्दै ब्यापारीहरुले कालोबजारी गर्न सक्ने भन्दै बराहक्षेत्र नगर आर्थिक विकास शाखाले आइतबार उपमेयर कमला मगरको नेतृत्वमा बराहक्षेत्र वडा नम्बर ५ र ३ मा बजार अनुगमन गरेको हो ।
उक्त बजार अनुगमन गर्ने क्रममा कालाबन्जारका अधिकांश ब्यापारीहरुले मूल्यसूची बिना बिक्री गरेको पाइएको छ । केही पसलमा म्याद गुज्रिएको पेयपदार्थ समेत भेटिएको उपमेयर मगरले बताइन् । उनका अनुसार केही खाद्यान्न पसलमा दैनिक उपभोक बस्तु पाए पनि आयोनुुन अभाव देखिएको छ ।
ब्यापारी सत्यनारायण चौधरीले भने अहिले नुन अभाव भएपनि नुन लिन इटहरी गएकाले अभाव नहुने बताए । यता प्रशासकीय अधिकृत मनुकुमार लिम्बूले सबै ब्यापारीहरुलाई आयोनुन बेच्दा धेरैमा ५ केजी सम्म बेच्न आग्रह गरे ।
कालाबन्जारका ग्यास डिलर बाबा हार्डबेरलाई एकजनालाई एक भन्दा बढी ग्यास नबेच्न आग्रह समेत गरे । कालाबन्जारमा रहेका मेडिकलहरुमा मास्क र सेनेटोरी अभाव रहेको पाइएको छ । अनुगमन नै क्रममा भरौल स्वाथ्य चौकीका प्रमुख प्रमोद राइएका अनुसार अचेल ८० प्रतिशत बिरामी ज्वरो तथा रुघाखोकीको भएको पाइएको छ ।
अनुगमन गर्ने क्रममा किराना पसल पेट्रोल पम खाद्यान्न पसल ग्यास पसल होटेल बिस्कुट फाक्टी गरि करिब १५ वटा पसल हरुमा अनुगमन गरेको संयोजक उपमेयर कमला मगरले बताए । यता नडाहा केहि पसलमा समेत अनुगमन गरिएको थियो उक्त अनुगमन गर्ने क्रममा सबै खाले सामान बस्नेत किराना पसलमा उपलब्ध भएको र कुनै सामान को अभाव नभएको बिनोद बस्नेतले बताए ।
उक्त अनुगमन आर्थिक विकास शाखाका प्रमुख मातृका तिवारी, बजार अनुगमन संयोजक तथा उपमेयर कमला मगर, प्रशासकीय अधिकृत मनुकुमार लिम्बु, खाद्य प्राविधि तथा गुण नियन्त्रण डिभिजन कार्यालय सृजन जोशी, जिल्ला प्रशासन कार्यालय सुनसरीकी रेखाकुमारी कार्की, सुनसरी उद्योग वाणिज्य संघ बराहक्षेत्र अध्यक्ष सुरेन्द्र गुप्तालगायतको नेतृत्वमा बजार अनुगमन गरिएको हो ।
कोहि कसैलाई पनि अति आवश्यक उपभोगइ वस्तुहरुको अभाव नहोस र कसैले पनि कालोबजारी नगरुन् भन्नका लागि बजार केन्द्रीत अनुगमन गरिएको प्रशासकीय अधिकृत लिम्बुले बताए ।
यता उपमेयर मगरले भने म्याद ग्ज्रीएका सामाग्री नबेच्न आग्रह गरेकी छन् । अहिले बराहक्षेत्रमा भएको पसलहरुमा पहिलेको तुलनामा सुध्रिएको उनले बताइन् ।
