बराहक्षेत्रमा पछिल्लो समय चोरीका धटना बढ्दै गएका छन् । मंगलबार राति बराहक्षेत्र ५ बाट साइकल, पानी तान्ने मोटर लगायतका सामाग्रीहरु चोरी भएको थियो ।
बुधबार बराहक्षेत्र ६ मा वेवारिसे अवस्थामा छोडिएको एक ट्याक्टर भेटिएको छ । बुधबार राति बराहक्षेत्र स्टाण्डमा रोकी राखेको राजु घिमिरेको प्रदेश नं १–०४–००१ त ००३६ नम्बर को नयाँ ट्राक्यट हराएको थियो । हराएको १२ घण्टा नबित्दै बराहक्षेत्र ६ ठाकुर वारिस्थित सप्तकोसी आधारभुत विद्यालयको प्राङ्गणमा बेवारिसे अवस्थामा फेला परेको बराहक्षेत्र संरक्षण मंचका अध्यक्ष भक्त श्रेष्ठले जानकारी दिए ।
बराहक्षेत्र २ मन्दिर क्षेत्रबाट राति ट्रयाक्टरसहित बन्द पसल भित्र परी केही सामानहरु चोरी भएको श्रेष्ठले बताए ।
खोजी गर्ने क्रममा सोधपुछ गर्दा राति तेह्रहड्डी हुँदै कोसीको बाँध तिर गएको भन्ने खबर सुनेपछि सशस्त्र प्रहरी बल प्रहरी निरीक्षक असोक न्यौपाने लगायतको टोलिको सहयोगमा उक्त ट्याक्टर फेला परेको श्रेष्ठले बताए ।
