बराहक्षेत्र नगरपालिका वडा नम्बर ३ को कार्यालय नडाहामा शिलान्यास भएसँग विभिन्न व्यक्तिहरुले सहयोग गर्न सुरु गरेका छन् । भवन निर्माणका लागि नेपाल तरुण दल अमेरिका का अध्यक्ष ओमकुमार भट्टराईले एक लाख एक हजार रुपैयाँ सहयोग गरेका छन् ।
आफ्नो गाउँ नडाहा चौकमा वडा कार्यालयको शिलान्यास भएको खबर अनलाइन सञ्चारमाध्यममा प्रकाशित भएपछि सहयोग गरेको उनले बताए ।
बराहक्षेत्र ३ नडाहा निवासी भट्टराई लामो समयदेखि अमेरिकामा बसोबास गर्दै आएका छन् । उनले विभिन्न सामाजिक गतिविधिमा समेत सहयोग गर्दै आएका छन् । भट्टराई एन.आर.एन.ए. अमेरिकाका प्रवक्ता समेत हुन् ।
उक्त वडाको भवन निर्माण सक्न बराहक्षेत्र ३ निवासी युवराज पौडेलले एक लाख, वडाध्यक्ष रुद्र दाहालले ५१ हजार, महेन्द्र कार्कीले ५१ हजार, प्रेम लिम्बुले ५१ हजार, स्काई इङलिस स्कुलले ५० हजार रुपैयाँ सहयोग गरेका छन् ।
त्यसैगरी भरौल बाल मन्दिरले ५१ हजार, भिमदल राईले ३० हजार ३ सय, बिजय कुमार राईले ३५ हजार, दुर्गाप्रसाद राईले ३० हजार गरी करिब ७ लाख रुपैयाँ भन्दा बढी संकलन भएको निर्माण समितिका अध्यक्ष केशव पुरीले बताए ।
