मोरङ । प्रहरीले गाई काटेको आरोपमा विराटनगरबाट एक जनालाई पक्राउ गरेको छ ।
विराटनगर महानगरपालिका १७ का २८ वर्षीय सोहिल मियालाई गाई काटेको आरोपमा पक्राउ गरेको हो ।
बिहीबार (आज) बिहान ७ बजे स्थानीय सौरभ मियाको घरमा गाई काटिरहेको भन्ने सूचनाका आधारमा जिल्ला प्रहरी कार्यालय मोरङबाट खटिएको प्रहरी टोलीले १० केजी मासु सहित मियालाई पक्राउ गरेको हो ।
प्रहरीका अनुसार घटनामा संग्लग्न रहेका अन्य दुई जना तत्काल फरार रहेकोले खोजी भइरहेको छ । पक्राउ परेका मियाको सम्बम्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।
