सुनसरीको बराहक्षेत्र नगरपालिकामा एक युवकको लडेर मृत्यु भएको छ ।
घरबाट लडेर इनरूवा नगरपालिका ३ का २३ वर्षीय शुशिल मेहेताको मृत्यु भएको हो ।
बुधबार अपरान्ह साढे ५ बजे बराहक्षेत्र नगरपालिका ८ चौफालामा फुलकुमारी चौधरीको घरमा टिनको छाना लगाउने क्रममा अचानक छानाबाट लडेको इलाका प्रहरी कार्यालय महेन्द्रनगरले जनाएको छ ।
प्रहरीका अनुसार लडेर घाइते भएका मेहेताको उपचारको क्रममा बि.पी.कोइराला स्वास्थ्य बिज्ञान प्रतिष्ठान धरानमा साँझ साढे ६ बजे मृत्यु भएको हो ।
घटना सम्बन्धमा थप अनुसन्धान भइरहेको उक्त कार्यालयले जनाएको छ ।
