उदयपुर । उदयपुरको बेलका नगरपालिकामा कार्यालय रहेको सहयोग बचत तथा ऋण सहकारी संस्थाले १८ गते आइतबार बिहान ८ बजेबाट रक्तदान कार्यक्रम गर्ने भएको छ । बेलका नगरपालिकाको सहकार्य र प्राबिधिक सहयोगमा रक्त सन्चार केन्द्र धरान रहेको छ ।
संस्थाको ११ औं बार्षिक उत्सबको अबसरमा रक्तदान कार्यक्रम आयोजना गरिने संस्थाको सहकारी शिक्षा तथा तालिम उप समितिका संयोजक गणेश बस्नेतले बताए ।
बस्नेतले यश विषम परिस्थितिमा रक्तदान गरेर पुन्य कमाउन आग्रह गर्दै उपस्तिथिको लागि सम्पुर्ण रक्तदातालाई आग्रह गरेका छन् ।
कोरोना माहामारीका बीच कसरी कार्यक्रमलाई प्रभावकारी बनाउन सकिन्छ भन्ने विषयमा मंगलबार अन्तरक्रिया समेत गरिएको थियो । अन्तरक्रिया कार्यक्रममा नेपाल प्रहरी, शसस्त्र प्रहरी, स्वास्थ संस्था प्रमुख,अन्य सामाजिक ब्याक्तित्व र संचालक समितिको उपस्थिती थियो।
संस्थाले सहकारी दिवसमा सधै रक्तदान कार्यक्रम आयोजना गर्दै आएको छ भने सामाजिक उतरदायित्वको क्षेत्रमा उल्लेखनीय कामहरु गर्दै आएको छ।
