रामधुनी । भिगोर ईन्कर्पोरेशन प्रा. लि. द्वारा सञ्चालित ‘राईड सेरिङ मोटरगाडी एप’ ले डिजिटल भुक्तानीको लागि ग्लोबल आइएम बैंकसँग सहकार्य गरेको छ ।
बैंकको इटहरी शाखासँग समझदारीपत्रमा हस्ताक्षर गरेको कम्पनिका कार्यकारी निर्देशक अजय गच्छदारले जानकारी दिए । चालकहरुको खाता बैंकले निःशुल्क खोलिदिनेछ भने चालकहरुले प्राप्त गरेको पारिश्रमिक सोही खातामा जम्मा हुने जनाइएको छ ।
यात्रुहरुले पनि बैंकले दिएको क्युआर कोड प्रयोग गरेर भाडा तिर्न सक्नेछन् । प्रदेश नं. १ मै पहिलो पटक एपमा आधारित राइडसेयरिङ सेवा ‘मोटरगाडी’ ले नेपाल सरकारको डिजिटलाइजेसन प्राथमिकता अनुसार सो कार्य अघि बढाएको हो।
ग्लोबल आइएमई बैंक डिजीटल पेमेंटमा नेपालकै पहिलो स्थानमा रहेकाले मोटर गाडी एप प्रयोगकर्ताहरुको सहजताको लागि सहकार्य गरेको गच्छदारले बताए ।
कम्पनीले केही दिन अघि मात्र यात्रु तथा यात्रीलाई सुरक्षित गर्न राइडर तथा ड्राईभरको दुर्घटनामा मृत्यु भएमा सात लाख रुपैयाँसम्मको बीमा सुविधाका लागि जनरल इन्स्योरेन्स कम्पनीसँग समझ्दारीपत्रमा हस्ताक्षर गरेको थियाे ।
