रामधुनी । सुनसरीको रामधुनी नगरपालिका १ झुम्का स्थायी घर भएका राजेश रायले सिराहमा शिव मन्दिर निर्माण गरिदिएका छन् ।
कर्मथलोको रुपमा मुक्तिनाथ विकास बैंक हनुमाननगरका शाखा प्रबन्धक रायले धनगडीमाई नगरपालिका ३ हनुमाननगरमा शिव मन्दिर निर्माण गरिदिएका हुन् ।
सो ठाउँका स्थानीयले सहजरुपमा नजिकै पुजाआज गर्न पाउन भन्ने उद्देश्यले मन्दिर निर्माण गरेको रायको भनाई छ । फागुन २७ शिवरात्रिका दिन निर्माण सम्पन्न भएको हो ।
रायले १५ लाख रुपैयाँको व्यक्तिगत लगानीमा मन्दिर निर्माण गरिदिएका हुन् । राय सामाजिक क्षेत्रमा समेत उत्तिकै सक्रिय छन् ।
