सुनसरी । इटहरी नमुना कलेजका विद्यार्थीले सामाजिक कार्यकर्ताको परिचयपत्रको माग गर्दै विश्व सामाजिक कार्य दिवस २०२१ मनाएका छन् ।
‘हामी छौ र म छु : सामाजिक एक्यवद्धता बढाऔं र विश्वलाई जोडौं’ मुलनाराका साथ विश्वव्यापी रुपमा मंगलबार कलेजमा सामाजिक कार्य अध्ययनरत विद्यार्थीले दिवस मनाएका हुन् ।
नेपालमा सामाजिक कार्य (सोसियल वर्क) अध्ययन तथा अध्यापन सुरु भएको झन्डै दशक पुरा भइसकेको छ । हरेक वर्ष झन्डै सात हजारको हाराहारीमा विद्यार्थीले स्नातक अध्ययन पुरा गर्छन । तर यो जनशक्तिको राज्यले उचित व्यावस्थापन गर्न नसकेको र आवश्यक योजना तथा नीति तर्जुमा गर्न नसकेको सरोकारवालाहरुले आरोप लगाउँदै आएका छन् । समाज रुपान्तरण, देशको विकासका लागि सामाजिक कार्यकर्ताले महत्वपूर्ण भूमिका निर्वाह गर्नुपर्ने सहभागीहरुले बताएका छन ।
विदेशका लागि नभई नेपालका लागि आवश्यक गर्ने सामाजिक कार्यकर्ता निर्माणमा लाग्नुपर्ने सामाजीक अभियान्ताहरुले बताउदै आएका छन् । इटहरी नमुना कलेज सामाजिक कार्य विभाग प्रमुख शैलेन्द्र राइले सरकारसँग समन्वय गरी सामाजिक कार्यलाई पेसागत रुपमा विकास गर्नुपर्ने बताएका छन् ।
संसार चलाउने सामाजिक विज्ञान भएको र सामाजिक कार्य विषय पनि यसैको एक अभिन्न अंग भएकाले यो सामाजिक इन्जिनियरिङ्ग, व्यावस्थापन र डाक्टर समेत भएकोले पनि राज्यले यसको पहिचान र परिचालन गर्नु सक्नु पर्ने बिद्यार्थी ससीका निरौला बताउँछिन । अन्य देशमा लाइसन्स प्राप्त गरेर सामाजिक कार्य गरिन्छ भने नेपालमा लाइसेन्स नहुँदा यो पेसा ओझेलमा परेको छ ।
सामाजिक कार्य पेशागत पहिचान सरकारी स्तरबाटै हुनुपर्ने र साथै सामाजिक कार्यको महत्त्व बुझाउनु पर्ने आवश्यक रहेको विद्यार्थी विकास पौडेलले बताएका छन् । सामाजिक कार्य अध्ययनरत विद्यार्थीले विभिन्न समयमा सामाजीक अभियानहरु पनी संचालन गर्दै आएका छन् ।
दिवसको अवसरमा विद्यार्र्थीहरुले इटहरी नगर परिक्रमा, रक्तदान लगायत विभिन्न कार्यक्रम आयोजना गरेका थिए ।
\
