रामधुनी । सामाजिक कथावस्तुमा आधारित वेब सेरिज वेदना सार्वजनिक हुने भएको छ ।
चैत्र ७ गतेबाट युटुबमार्फत सो वेब सिरिज सार्वजनिक हुन लागेको हो । प्रत्येक शनिबार दिउँसाे ४ बजे नियमित रुपमा बिहानी आवाज च्यानलमार्फत शो सार्वजनिक गरिने टिमले जानकारी दिएको छ ।
गाउँले समाजको समासामयिक विषयवस्तुको कथामा आधारित वेदनामा योगेश कोइराला, सम्झना पौडेल, सागर लामिछाने, सुरेश खड्का, शम्भु सुवेदी, रोमा मोक्तान, अंकित काफ्ले, कृपा कोइरालालगायत छन् ।
वेदनाको कथा योगेश कोइराला, सुरेश खड्का र शम्भु सुवेदीले लेखेका छन् । शम्भु सुवेदीको छायाँकन रहने सो वेब सिरिजलाई रबिन लामिछानेले व्यवस्थापन गरेका छन् । विशाल पोखरेलको निर्माणमा तयार हुने सो सिरिजलाई योगेश कोइराला र सुरेश खड्काले निर्देशन गरेका छन् ।
सिरिजलाई सुनसरीको धरान, पानवारी, मोरंगको सिमल्टारलगायतका स्थानमा छायाँकन गरिएको कलाकार शम्भु सुवेदीले जानकारी दिए ।
सिरिजकाे अफिसियल ट्रेलर सार्वजनिक भइसकेकाे छ ।
