बराहक्षेत्र । सुनसरीको बराहक्षेत्र नगरपालिका वडा नम्बर १ चतरामा जारी प्रथम चतरा नकआउटका फुटबल प्रतियोगितामा एभरेस्ट फुटबल क्लब नडाहा सेमिफाइनल प्रवेश गरेको छ ।
बुधबार भएको खेलमा इटहरी फुटबल क्लबलाई ३ ० गोलको सहज जित निकाल्दै एभरेस्ट सेमिफाइनलमा प्रवेश गरेको हो ।
बुधबार बराहक्षेत्र १ स्थित कुम्भ स्तभ अगाडिको खेल मैदानमा भएको खेलको १३ औं मिनेटमा एभरेष्ट फुटबल क्लबका निशान लिम्बुको पासलाई सञ्जय श्रेष्ठले हेड गोल गर्दै आफ्नो टिमलाई अग्रता दिलाएका थिए ।
पहिलो हाफसम्म एक गोलले अग्रता लिएको खेलमा एभरेस्टले दोस्रो हाफमा दुई गोल गरेको थियो । एभरेष्टका लागि खेलको ३६ औं मिनेटमा अनिस लिम्बू र खेलको ४१ औं मिनेटमा युवराज श्रेष्ठले गोल गरेका थिए । त्यसपछि दुबै टिमबाट कुनै गोल हुन नसक्दा एभरेस्टले ३ ० गोलको सहज जित निकालेको थियो ।
खेलमा हेड गोल गरेका एभरेष्ट खेलाडी सञ्जय श्रेष्ठ म्यान अफ द म्याच घोषित भए । उनले नगर १ हजार रुपैयाँ र ट्रफी प्राप्त गरे ।
बिहीबार प्रतियोगिताको पहिलो सेमिफाइन खेल ग्रिन कल्चर फुटबल क्लब चक्रघट्टी र जे.एस.वाई.सी. मोरङ्ग बिच हुने छ । बुधबार जित निकालेको एभरेस्टले फाइनल प्रवेशका लागि शुक्रबार हाटखोला फुटबल क्लब चतरासँग प्रतिस्पर्धा गर्नेछ ।
चतरा फुटबल क्लबले आयोजना गरेको प्रतियोगिताको बिजेताले ४५ हजार, उप बिजेताले २० हजार रुपैयाँ र ट्रफी प्राप्त गर्ने क्लबका सचिव दिनेश राईले बताए ।
