सुनसरी । प्रतिनिधिसभाको प्रत्यक्ष तर्फ सप्तरी क्षेत्र नं. २ बाट चुनावी प्रतिस्पर्धामा रहेका जनता समाजवादी पार्टी, नेपालका अध्यक्ष उपेन्द्र यादवलाई हराउदै जनमत पार्टीका अध्यक्ष चन्द्रकान्त (सिके) राउत विजयी भएका छन् ।
बुधबार सार्वजनिक अन्तिम मतपरिणाम अनुसार राउतले यादवलाई १८ हजार ६३ मतको फराकिलो अन्तरले पराजित गरे । राउतले ३५ हजार ४२ मत ल्याउदा उनका प्रतिद्वन्द्वी यादवले १६ हजार ९७८ मत मात्र प्रप्त गरे ।
यसका साथै सप्तरी–२ मा पुरानो इतिहास कायमै रहेको छ । २०५६ सालयता दोहोरिएर अन्य कोही पनि यस क्षेत्रको उमेदवार विजयी भएको रेकर्ड छैन । तत्कालीन सद्भावना पार्टीका राष्ट्रिय अध्यक्ष गजेन्द्रनाराण सिंहलाई नेपाली कांग्रेसका उमेदवार रामकुमार चौधरीले १७ मतान्तरले २०५६ सालमा पराजित गरेका थिए ।
मंसिर ४ गतेको निर्वाचनमा जम्मा ६४ हजार ५६० मत खसेको थियो ।
