सुनसरी । बराहक्षेत्र नगरपालिकामा आर्थिक मामिला तथा योजना मन्त्रालय साथै प्रदेश लेखा नियन्त्रण कार्यलय प्राविधिक सहयोगमा बेरुजु न्यूनीकरण साथै लेखा व्यवस्थापन सम्बन्धि २ दिने तालिम सम्पन्न भएको छ ।
बराहक्षेत्र नगरपालिका ११ वडाध्यक्ष, वडा सचिव र विभिन्न शाखा प्रमुख हरुलाई बेरुजु र लेखा सम्बन्धि तालिम दिएको सातौ तह अधिकृत मनुकुमार लिम्बूले बताए । लिम्बूले जनप्रतिनिधि र कर्मचारीबाटै जानिनजानी बेरुजु हुने भएकोले यस तालिमको आवश्यकता भएको बताए ।
तालिममा बेरुजु कसरी हुन्छ, बेरुजुको रोकथाम र उपायहरु आर्थिक कारोबार गर्दा पुर्याउनु पर्ने प्रक्रियाहरुलाई बिशेष जोड दिइएको थियो ।
मामिला तथा योजना मन्त्रालय सचिव दामोदर प्रसाद रेग्मीले प्रशिक्षण दिएका थिए । लेखा र अन्य शाखाहरुको सार्वजनिक खरिद र ऐन सार्वजनिक इबिडिग कम्पुटरबाट अनलाइन प्रक्रिया सम्बन्धि तालिम दिएका थिए ।
प्रदेश लेखा नियन्त्रण कार्यलयका अधिकृत ऋषि खनालले तालिममा सहजीकरण गरेको थिए । उक्त कार्यक्रममा बराहक्षेत्र नगरपालिका उपमेयर कमल मगरको सभापतित्व रहेको थियो । तालिममा प्रमुख प्रशासकीय अधिकृत बिदुर खनाल र सातौं अधिकृत मनुकुमार लिम्बु लगायत ४० जना सहभागी थिए ।
