बराहक्षेत्र । सुनसरीको बराहक्षेत्र नगरपालिका वडा नम्बर २ मा रहेको चतरा सामुदायिक बहुउद्देश्यीय सहकारी संस्थाले शेयर सदस्यहरुलाई ब्याज तथा हर्जना छुट गर्ने भएको छ।
गत सोमबार बसेको संचालक समितिको बैठकले अहिले देशमा कोरोना भाइरसको महामारीको दोस्रो भेरियन्टबाट मारमा परिरहेको अवस्थामा संस्थाले सेयर सदस्यहरु पनि प्रभावित भएकोले प्रभावित ऋण लाने सदस्यहरुलाई कर्जा असुलिमा सहुलियत दिने समितिले निर्णय गरेको संस्थाका व्यवस्थापक बाबुराम खत्रीले बताए ।
खत्रीका अनुसार यही असार मसान्त भित्र कर्जाको नियमित साँवा र ब्याज तिर्ने सदस्य लाई २ महिनाको ब्याजमा १० प्रतिशात छुट र कर्जाको ब्याज मात्र तिर्ने सदस्य लाई २ महिनाको ब्याजमा ५ प्रतिशात छुट दिने निर्णय भएको खत्रीले बताए ।
असार मसान्त भित्र पुरानो कर्जाको साँवा ब्याज तिर्ने सदस्य लाई कुनै पनि थप शुल्क तथा हर्जना नलाग्ने र सदस्यहरूलाई अतिआवश्यक कर्जा चाहिएमा आवश्यक प्रकृय पूरा गरि लगानी गर्ने समेत निर्णय भएको खत्रीले बताए ।
