सुनसरी । आइएमई लाइफ इन्स्योरेन्स कम्पनी लिमिटेडले मृत्यु दाबी भुक्तानी गरेको छ । बीमित इटहरी – १७ की भेष कुमारी प्रधानको मृत्यु भएपछि उनको छोरा किसन श्रेष्ठलाई प्रदान गरिएको हो ।
आइएमई लाइफ इन्स्योरेन्स कम्पनी लिमिटेडका जोखिमाङ्कन विभागका प्रमुख (चिफ रिस्क अफिसर) सुदिप राणाले ५ लाख ३ हजार २ सय ६० रुपैयाँको चेक हस्तान्तरण गरेका थिए । बीमित प्रधानको गत असार ३१ गते बिराट मेडिकल कलेज तथा टिचिङ्ग हस्पिटलमा कोभिड सङ्क्रमणको कारण निधन भएको थियो ।
बीमितको छोराले आइएमई लाइफ इन्स्योरेन्सलाई दाबी भुक्तानीको लागि धन्यवाद दिएका थिए भने कम्पनीको तर्फबाट राणाले मानविय क्षति अपुरणिय रहेको तर बीमा गरेको छ भने राहत स्वरुप केहि रकम परिवारलाई प्राप्त भएमा आर्थिक व्यवस्थापन सहज हुने बताए ।
हस्तान्तरण कार्यक्रममा आईएमई लाइफ इन्स्योरेन्स क. लि. का सहायक प्रदेश प्रमुख ओम प्रकाश राई, इटहरी शाखा प्रमुख बिकास श्रेष्ठ लगायत अभिकर्ताहरुको समेत उपस्थिती रहेको थियो ।
