काठमाडाैं । तिहारको देउसीभैलो गीत बिगारेर गाएको आरोपमा गायक दुर्गेश थापा पक्राउ परेका छन् । थापालाई महनागरीय प्रहरी अपराध महाशाखाको टोलीले मंगलबार पक्राउ गरेको हो । उनी बालाजुबाट पक्राउ परेका हुन् ।
तिहारको देउसीभैलो गीत बिगारेर सामाजिक सहिष्णुता बिगारेको आरोपमा उनलाई पक्राउ गरिएको महाशाखाका प्रमुख एसएसपी सहकुल थापाले जानकारी दिए ।
गायक दुर्गेशले गाएको ‘ह्याप्पी तिहार’ बोलको गीतलाई लिएर जिल्ला प्रशासन कार्यलाय काठमाडौंमा उजुरी परेको थियो । सोही उजुरीका आधारमा प्रहरीले थापालाई पक्राउ गरेको हो। पछिल्लो समय उनको आलोचना हुँदै आएको थियो ।
उनको सो गीतमा बियरको प्रचार गर्नुका साथै तिहार, देउसी गाँजा तथा बियरखाएर मनाउनुपर्छ भन्ने सन्देश दिएको छ ।
