मेघास्टारको रुपमा परिचित गायक राजेश पायल राईले दर्शन नमस्ते श्रृंखला अन्तर्गत यो चौथो एल्बम सार्वजनिक गरेका छन् । संस्कृतिकर्मी तथा नेपाली नृत्य, संगीत र नाटकको क्षेत्रमा बिशेष योगदान दिएका भैरव बहादुर थापाको हातबाट एल्बम बिमोचन गरिएको थियो ।गायनमा सधै अब्बल रहँदै आएका तथा युवापुस्ताको रोजाईको गायक बन्न सफल राजेशले यो एल्बममा पनि आफुलाई बिशेष रुपमा प्रस्तुत गरेका छन् । साप्ताहिकको प्रस्तुती रहेको एल्बम ‘दर्शन नमस्ते–४’मा सात वटा गीत समावेश छन् । जसमा शीर्ष गीत तीन वटा छन् । अन्य मोहनी, केकी, तिमी विना र यी दुःखहरु बोलका गीत रहेका छन् । यी सबै गीत ओठमा झण्डिने खालका रहेका छन् ।गीतहरुमा शब्दरचना क्रमश उत्तमजंग लिम्बू, डम्बर नेपाली, महेश खड्का, भद्रकला आङ्बुहाङ राई, विशाल हसिन राई, बसन्त सापकोटा र टिका चाम्लिङको रहेको छ । जसमा उत्तमजंग लिम्बू, डम्बर नेपाली, महेश खड्का, बादल लिम्बू, सन्तोषराज, महाराज थापा र अम्बर गुरुङको संगीत रहेको छ ।
