काठमाडौं । लेखक तथा पत्रकार राज सरगमको ‘मेरो छाती धड्कियोस’ गीत सार्वजनिक भएको छ ।
सर्जक सरगमले यसभन्दा अगाडि चलचित्र दबाब, चाल, मेरो मान्छेलगायत सिनेमामा गीत लेखेका थिए भने आधा दर्जन गीत पनि लेखिसकेका छन् । लामो समयको अन्तरालपछि राजले अर्काे गीत लिएर आएका हुन् ।
संगीतकार विपिन आचार्यको कम्पोजिसन, संगीत संयोजन र मिक्सिङ रहेको छ । गीतमा गायक प्रमोद खरेलको स्वर रहेको छ । उपत्यका आसपास छायाँकन गरिएको गीतको भिडियोलाई नारायण ठकुरीले निर्देशन गरेका छन् ।
भिडियोको छायाँकन नरेश चैसिरले गरेका छन् भने सन्देश परियारले सम्पादन गरेका छन् । भिडियोमा मोडल कसिस दाहाल र भूपेशसिंह ठकुरीको अभिनय छ । युट्युब च्यानल साइराम पिक्चरबाट गीतलाई सार्वजनिक गरिएको हो ।
