पत्रकार दाहालको ‘रमाइलो तिहार’ सार्वजनिक (भिडियोसहित)

सुनसरी । पत्रकार तथा सञ्चारकर्मी मनोज दाहालले तिहारको कोसेली स्वरुप ‘रमाइलो तिहार’ बोलको भिडियो सार्वजनिक गरेका छन् ।

उक्त भिडियोको गीतमा दाहाल कै शब्द तथा संगीत रहेको छ भने निर्माण बिरेन्द्र दंगालले गरेका हुन् । गीतको स्वरमा दाहाललाई गायिका हेमन चाम्लिङ राईले साथ दिएकी छन् ।

पूर्वाञ्चल रेकर्डिङ स्टुडियो इटहरीमा रेकर्ड भएको गीतको एरेन्ज रुद्र श्रेष्ठले गरेका हुन् । इटहरीमा छायांकन भएको भिडियोको नृत्य निर्देशन तथा निर्देशन बिकल श्रेष्ठले गरेका हुन् । भिडियोलाई सम्पादन पनि निर्देशक श्रेष्ठले नै गरेका हुन् ।

कवल विश्वासको छायांकन रहेको भिडियोलाई परिकला मिडिया प्रा. लि.ले पोष्ट प्रोडक्सन गरेको हो ।

भिडियोमा गायक दाहालसँगै अंशु अधिकारी,धिरज पुरी, बिजया नेपाल, बाबुुराम सुुबेदी, गणेश निरौला, एस बि अनुरागी लगायत फिचर्ड छन् ।