सुनसरी । गायक तथा संगीतकार प्रमोद पोर्तेलको दोस्रो एल्वम ‘माया’ मा समावेश गीतहरु सार्वजनिक भएका छन् ।
शनिबार धरानमा वरिष्ठ गायक दिप श्रेष्ठको प्रमुख आतिथ्यता रहेको कार्यक्रममा पोर्तेलको ‘माया’ म्युजिक भिडियो सार्वजनिक गरिएको हो ।
पछिल्लो समय सुगम संगीतमा यस्ता किसीमका गीतहरु नआएको भन्दै गायक दिप श्रेष्ठले गायक पोर्तेललाई सुभकामना दिएका थिए । पोर्तेल कै शब्द संगीत रहेको गीतमा हिना मल्ल बराइलीले फिमेल भोकलमा साथ दिएकी छन् । निर्देशक सुल्तान ईधिङ्गोले भिडियो डिरेक्सन साथै पस्टपोड्क्सन गरेका छन् भने छयाङ्कन आभास जंङ्ग माझि साथै आदम लिम्बुले गरेका छन् ।
गीतको म्युजिक एरेन्ज दानिएल गदालले गरेका हुन् भने अडियो मिक्सिङ रविन छेत्री, म्युजिक प्रोडक्सन जुदाह प्लाउज स्टुडियोले गरेको छ । गीतको भोईस टेक भने अपार रेकर्डस धरानमा गरिएको हो ।
