इटहरी । सुनसरीमा मिस एन्ड मिस्टर कलेज आइकन आयोजना हुने भएको छ । सोच खबर प्रा.लि.ले सुनसरी कलेज आइकनको तयारी भइरहेको जानकारी दिएको छ ।
हाल भइरहेका अन्य ब्युटि प्रिजेन्ट भन्दा केही पृथक ढंगले गर्ने योजनाका साथ तयारी भइरहेको प्रा.लि.का अध्यक्ष तथा प्रबन्ध निर्देशक कैलाश रेग्मीले बताए । ‘सोच खबर प्रा.लि.को आयोजनामा कलेज आइकन हुँदैछ’, उनले भने, ‘अन्य प्रिजेन्ट भन्दा फरक हुनेछ ।’
सुनसरीको बजार केन्द्रित मात्र नभई जिल्लाका हरेक पालिकामा अडिसन गर्ने र ग्रामिण क्षेत्रका सहभागीहरलाई समेत सहभागी गराउने रेग्मीले जानकारी दिए । सहभागी छनोटपछि बीचको सबै अवधिमा आयोजक भन्दा पनि फोटोग्राफर, कोरियोग्राफर, प्रशिक्षक आदीमार्फत सहभागीहरुले विभिन्न विषयमा सिक्ने उनको भनाइ छ ।
अबको केही महिनामा सुरु गर्ने यस कलेज आइकनका विजेताहरुलाई मिस पूर्वाञ्चल र मिस नेपालमा सहभागी गराउन मद्दत गर्ने समेत आयोजकले जनाएको छ । यसका साथै उपाधि विजेताले पुरस्कार रकमसहित म्युजिक भिडियोमा समेत सहभागी गराउने आयोजकका रेग्मीले बताए ।
आयोजकका अनुसार हालसम्म मिस्टर नेपाल २०१६ का सहभागी तथा मस्ट फाेटाेजेनिक अवार्ड टप ५ प्रवेश खड्का कोरियोग्राफर, राकेश चौधरी फोटोग्राफरकको रुपमा रहने र अन्य भने छनोटको काम भइरहेको छ ।
सोच खबर प्रा.लि.ले यसअघि पनि विभिन्न इभेन्ट आयोजना गरिसकेको छ भने । प्रा.लि.कै ब्यानरमा म्युजिक भिडियोहरु समेत निर्माण भएको छ ।
अन्य जानकारी केही दिनमा आधिकारिक रूपमा सार्वजनिक गर्ने जनाइएकाे छ ।
