बहुप्रतिक्षित नेपाली चलचित्र ‘महापुरुष’को प्रिमियर शो इटहरीमा बुधबार हुने भएको छ । यही कार्तिक ११ गते भाईटिकाको भोलीपल्ट अल नेपाल रिलिजको तयारी रहेको ‘महापुरुष’ को प्रिमियर कार्तिक ९ गते इटहरीमा प्रिमियर शाे हुने निर्माण टिमले जनाएको छ ।
प्रदेश नम्बर १ का मुख्य शहरहरु बिर्तामोड , दमक , धरान, बिराटनगर र इटहरी लाई केन्द्र मानेर इटहरी स्थित ईलाइट सिनेमामा प्रिमियर हुन लागेको स्थानीय संयोजक चलचित्र पत्रकार संघ नेपाल सुनसरीले जनाएको छ । संघका अनुसार बिहान ११ बजे प्रिमियर शो सुरू हुनेछ । प्रिमियरमा ‘महापुरुष’ का लेखक तथा निर्देशक प्रदीप भट्टराई , निर्माता तथा कलाकार रबिन्द्र सिंह बानिया तथा कलाकार अरुण क्षेत्री र अन्जना बराईलिको उपस्थिति रहनेछ ।
विशेष गरी प्रदेश १ का पत्रकार तथा प्राद्यापकहरुका लागि लक्षित गरेर प्रिमियर गर्न लागे पनि प्रिमियरमा बिभिन्न चलचित्रकर्मी, स्थानीय, समाजसेवी, व्यवसायी, शिक्षा क्षेत्रका व्यक्तिहरूकाे समेत उपस्थिती रहने निर्माता रबिन्द्र सिंह बानियाले जानकारी दिए ।
गत कार्तिक ६ गते काठमाडाैंमा प्रिमियर शाे सम्पन्न भइसकेकाे छ ।