बराहक्षेत्र । विश्वव्यापी रुपमा फैलिएको कोरोना भाइरस (कोभिड-१९) को संक्रमण फैलिन नदिन बराहक्षेत्र नगरपालिकाले हेल्प डेस्क राख्ने भएको छ ।
खुल्ला सीमा र सहज आवागमनका कारण कोरोना जुनसुकै बेला भित्रिन सक्ने खतरा रहेको भन्दै नेपाल सरकारले प्रदेश, जिल्ला र स्थानीय तहलाई संक्रमण फैलिन नदिन, रोकथाम, नियन्त्रण र सतर्कता अपनाउन निर्देशन गरेअनुरुप तयारी थालिएको हो । यसै क्रममा बराहक्षेत्र नगरपालिकामा पनि कोरोना भाइरसबाट सर्तक हुन विभिन्न कार्यक्रम गर्ने भएको छ ।
बराहक्षेत्र नगरपालिका बिपत् व्यवस्थापन समितिको बैठकबाट उक्त निर्णय गरेको हो । नगर प्रमुख निलम खनालको अध्यक्षता रहेको कार्यक्रममा प्रमुख प्रशासकीय अधिकृत राजेशप्रसाद पोखरेल, नेपाल प्रहरी, सशस्त्र प्रहरी, नेपाल रेडक्रस सोसाइटटीका प्रतिनिधि, वडाध्यक्षहरु, स्वास्थ्यकर्मीहरु तथा सरोकारवालाहरूको उपस्थितिमा केहीदिन अघि कोरोना भाईरस सम्बन्धि बृहत छलफल गरी छ ।
उक्त छलफलबाट नगरप्रमुख खनालले केही महत्वपूर्ण काम गर्ने बताएका छन् । सबै वडाहरुमा जनचेतना फैलाउने, चेतनामुलक कार्यक्रम, सन्देशसहित माइकिङ्ग गर्ने निर्णय भएको छ । त्यस्तै वडा नं १ स्थित नयाँ कोशी पुलमा धेरै पर्यटकहरु आवतजावत हुने भएकोले हेल्पडेस्क राख्ने निर्णय भएको खनालले उक्त कार्यक्रम बताए ।
कोरोना भाइरसको संक्रमण हुन नदिन हेल्थ डेस्क राख्न विभिन्न जिम्मेवारी संस्थाहरुलाई जिम्मा दिएको छ । बाहिरबाट आउने व्यक्तीलाई चेक गरी मात्र भित्र प्रवेश गर्ने जोड दिएका थिए ।
