इटहरी । प्रतिबन्धित लागूऔषधसहित इटहरीबाट दुईजना पक्राउ परेका छन् । इलाका प्रहरी कार्यालय इटहरीले गाँजासहित इटहरी ५ कलंकीबाट उनीहरुलाई पक्राउ गरेको छ ।
पक्राउ पर्नेमा धनकुटा शहीदभूमी गाउँपालिका पोखरीटोल बस्ने २७ वर्षीय नगेन्द्र राई र २९ वर्षीय गजेन्द्र राई रहेको बिहीबार पत्रकार सम्मेलन गरी जानकारी गराइएको हो ।
विशेष सूचनाका आधारमा चार किलो गाँजासहित उनीहरुलाई पक्राउ गरिएको इलाका प्रहरी कार्यालय इटहरीका डीएसपी अर्जुन केसीले बताए । माघ ७ गते पक्राउ गरी अनुसन्धान गरिरहेको उनले जानकारी दिए ।
‘लागूऔषध कारोबारी गर्नेहरु इटहरी हुँदै ओसारपसार गर्ने भएकाले हामीले अनुगमन गरिरहेका छौँ,’ उनले भने, ‘हामीले पछिल्लो समय लागूऔषध दुव्र्यसनी न्यूनीकरणका लागि विभिन्न अभ्यास समेत गरिरहेका छौँ ।’
