रामधुनी । नेपाली कांग्रेसको भातृ संगठन नेपाल तरुण दल रामधुनीले वडा नम्बर ८ मा वडा स्तरीय तरुण दल गठन गरेको छ ।
शनिबार रामधुनी ८ डुम्राहाको रेडक्रस भवनमा आयोजित कार्यक्रमले लोकबहादुर बस्नेतको सभापतित्वमा २३ सदस्य समिती गठन भएको हो ।
लोकतन्त्रप्रति आस्थावान युवाहरुलाई एकिकृत गर्दै सुसज्जीत राजनितीमा युवा सहभागीता आवश्यक रहने ठानेर वडा नं. ८ मा कमिटी गठन गरिएको रामधुनी तरुणका सभापती नगेन्द्र गुरुङले बताए । उनले रामधुनी नगरका अन्य वडामा पनि क्रमवद्ध रुपमा गठन गर्दै अगाडि बढ्ने जानकारी दिए ।
नेपाली कांग्रेस रामधुनीका सभापती सुदिप अधिकारीको प्रमुख आतिथ्यतामा सम्पन्न भएको कार्यक्रमको सभापतित्व तरुणका निवर्तमान वडा सभापति चन्द्र लिम्बुले गरेका थिए ।
कांग्रेस सभापति अधिकारीले नेपाली कांग्रेसलाई थप सबल र सशक्त बनाउनका लागि नयाँ शिराबाट अगाडि बढ्न आवश्यक रहेको र त्यसका लागि भातृ संस्थाहरुको पनि मुख्य भूमिका रहने बताए ।
चन्द्र लिम्बुको नेतृत्वमा रहेको वडा नं. ८ को तरुण दल कमिटीलाई पुर्नगठन गरी लोकबहादुर बस्नेतको सभापतित्वलाई पद हस्तान्तरण गरिएको थियो । बस्नेत सभापति रहेको वडा कमिटीको उपसभापतिमा रञ्जीत चौधरी र सिता शर्मा राई, सचिवमा राजेश शाह र लक्ष्मणकुमार चौधरी, सहसचिवमा धिरेन उरावँ र अनिता उरावँ, कोषध्यक्षमा अनिल शाह र अन्य १५ जना सदस्य समिती गठन भएको छ ।
