रामधुनी । रामधुनी नगरमा कोरोना संक्रमितको संख्या ६६ पुगेको छ ।
दोस्रो भेरियन्टको कोभिड १९ बाट हालसम्म रामधुनी नगरका ६६ जनामा संक्रमित भएको नगर स्वास्थ्य शाखाका नगेन्द्र पौडेलले जानकारी दिए ।
हालसम्म २२ जना निको भइसकेका छन् भने ४४ जना सक्रिय संक्रमित रहेका छन् । पौडेलका अनुसार हाल २ जना हस्पिटलमा उपचाररत छन् भने बाँकी ४२ जना होम आइसोलेसनमा रहेका छन् ।
कुन वडाका कति संक्रिमित ?
रामधुनी वार्ड नं. १ मा ४ महिला र ११ पुरुष गरी १५ जना संक्रमित भएका छन् । त्यसैगरी वार्ड नम्बर २ मा महिला र पुरुष एकएक गरी दुई जना, वार्ड नम्बर ३ मा २ महिला र ४ पुरुष गरी ६ जना, वार्ड नम्बर ४ मा एक महिला र ४ पुरुष गरी ५, वार्ड नम्बर ५ मा सबैभन्दा बढी ७ महिला र २० पुरुष गरी २७ जना संक्रमित भएका छन् ।
त्यसैगरी वार्ड नम्बर ६ मा एक महिला र ३ पुरुष गरी ४ जना, वार्ड नम्बर ७ मा २ जना पुरुष, वार्ड नम्बर ८ मा २ पुरुष र वार्ड ९ मा २ पुरुष संक्रमित भएका छन् ।
