बराहक्षेत्र । सुनसरीको बराहक्षेत्र नगरपालिकामा थप २ जना कोरोना संक्रमितको मृत्यु भएको छ । यो सँगै कोरोना संक्रमणका कारण मृत्यु हुनेको संख्या १० पुगेको छ ।
वडा नम्बर ३ कि ५२ वर्षीया महिला घरमै र वडा नम्बर २ कि एक महिला धरान स्थित कोभिड अस्पतालमा लैजाने क्रममा आज आइतबार मृत्यु भएको आइसोलेसन इन्चार्ज प्रमोद यादवले जानकारी दिए ।
बराहक्षेत्र ३ कि महिलालाई केहि दिन देखि ज्वरो आएको र पिसिआर टेस्ट गर्दै पोजेटिभ देखिएको थियो । पोजेटिभ भएपछि उनी घरमै आइसोलेशनमा बस्दै आएकी थिइन् । उनलाई आज अचानक स्वास्थमा धेरै समस्य भएपछी उपचार गर्न बिराटनगरको हस्पिटलमा लैजाँदा वेड अभाव र उनलाई अक्सिजन समेत अभाव भएपछि घर फर्काइएको थियो । दिउँसो करिब १२ बजेको समय घरमै मृत्यु भएको यादवले बताए ।
बराहक्षेत्र वडा नम्बर २ बस्ने बर्ष ३० महिलाको पनि आज बिहान मृत्यु भएको हो । होम आइसोलेशनमा बस्दै आएकी उनलाई र उपचार गर्न धरानको कोभिड अस्पताल लैजाँदै गर्दा बाटैमा मृत्यु भएको यादवले बताए । यादवका अनुसार ती दुबै मृतकमा अन्य कुनै पनि बिरामी नरहेको बताए ।
हाल सम्म बराहक्षेत्र नगरपालिका को कोरोना भाइरस संक्रमितको संख्या २ सय ८ जना रहेका छन् । जसमा बराहक्षेत्र आइसोलेसनमा १९ जना रहेका छन् भने कोरोना भाइरसलाई जितेर घर ४१ जना फर्केका छन् । शनिबार गरिएको ५० जनाको रिपोर्ट आउन बाँकी छ।
