बराहक्षेत्र । सुनसरीको बराहक्षेत्र नगरपालिका वडा नम्बर १ चतरा स्थित चावचा भने ठाउँमा बसोबास गर्ने तेजबहादुर दाहाल वैशाख महिनाको उदयपुर जिल्लामा उत्कृष्ट प्रहरी घोषित भएका छन् ।
इलाका प्रहरी कार्यलय रामपुर ठोक्सिलामा प्रहरी निरीक्षक रामपुर प्रमुख भएर कार्यरत रहेका दाहालले विभागीय मुल्य मान्यता, आदेश निर्देशनको पालना गरी व्यवसायिक, लगनशील र कर्तव्यनिष्ठ तवरले आफ्नो कर्तब्य निर्वाह गरेको भन्दै उनलाई उत्कृष्ट प्रहरी घोषणा गरेको हो ।
उत्कृष्ट प्रहरी घोषणको सम्मानपत्रमा भनिएको छ, ‘अपराध अनुसन्धानको क्षेत्रमा विशेष योगदान पुर्याएको साथै लागु औषध, बैङकिङ कसुर मुद्धामा संलग्न व्यक्तिहरुलाई पक्राउ तथा कानूनी कारवाहीको दायरामा ल्याउन महत्वपूर्ण भूमिका निर्वाह गर्नुका साथै समुदाय प्रहरी साझेदारी कार्यक्रमहरु मार्फत आम नागरिकमा सचेतना फैलाई सुरक्षाको अनुभूति हुने गरी प्रहरीको छवि उच्च बनाउने तर्फ प्रशंसनीय कार्य गरेको र उनको इलाका प्रहरी कार्यालय रामपुरठोक्सिला उदयपुर दरवन्दी भई इलाका प्रहरी कार्यालय रामपुर ठोक्सिला उदयपुरमा कार्यरत प्रहरी निरीक्षक तेज बहादुर दाहाललाई निजले गरेको कार्य सम्पादनको उच्च मुल्याङकन गर्दै २०७८ साल बैशाख महिनाको उत्कृष्ट प्रहरी प्रहरी घोषणा गरिएको छ ।’
दाहाललाई उपरीक्षक भिम बहादुर दाहालले महिना उत्कृष्ट प्रहरी घोषणा गरेका हुन ।
