रामधुनी । एल.आई.सी.(नेपाल) इटहरी शाखाले मृत्यु दाबी बापतको एक करोड भन्दा बढी रकम हस्तान्तरण गरेकाे छ । इटहरी शाखाका प्रबन्धक गुन्जेश प्रसाद ठाकुरले इटहरी ५ स्थित बिमित स्वर्गीय अम्बर बहादुर राउतको इच्छाइएको ब्यक्ति श्रीमती हेमा चौहानलाई मृत्यु दाबी बापत रकम एक करोड ६ लाख सत्तरी हजार बराबरको चेक घरमै गएर हस्तान्तरण गरेकाे हो ।
बीमितले प्रथम बीमा शुल्क पाँच लाख ३८ हजार नौ सय ३७ तिरी एक करोड बीमांकको २० वर्षे बीमा गत वर्ष गराएका थिए । बीमित बराह हार्डवेयरका प्रोप्राइटर राउतको गत असार १८ गते कोरोनाका कारण निधन भएको थियो । बिमित जीवितै रहँदा पाउने रकमले आर्थिक रुपले झन् समृद्ध बनाउने तथा दुर्भाग्यवश मृत्यु भएमा आश्रितलाई आर्थिक सुरक्षा प्रदान हुने हुँदा जो कोहीले पनि जीवन बीमा गराउनु राम्रो हुने शाखा प्रबन्धक ठाकुरले बताए ।
बिमितकी पत्नी हेम चौहानले पटक पटक बीमा नगर्न भन्दा भन्दै पनि थाहै नदिई श्रीमानले बीमा गराएको जानकारी गराउँदै प्राप्त मृत्युबापतको बीमा रकमले व्यापार व्यवसायलाई थप उचाइमा पुर्याउन तथा नानीहरूको क्यारियर निर्माणमा सहयोग हुनेछ ।
सोही अवसरमा एजेन्सी मेनेजर जितेन्द्र नायकले बाँचुन्जेल अन्तिम प्राथमिकतामा राख्ने जीवन बीमा मृत्यु पश्चात् बीमित आश्रितका लागि पहिलो प्राथमिकता हुने बताए ।
