सुनसरी । बराहक्षेत्र नगरपालिका ५ स्थित रहेको मंगलम बचत तथा ऋण सहकारीको नयाँ कार्य समिति गठन भएको छ । शनिबार भएको नवौं साधारण सभाले नयाँ समितिको अध्यक्षमा निवर्तमान अध्यक्ष समेत रहेका कृष्ण तामाङ सर्वसम्मत चयन भएका छन् ।
समितिको उपाध्यक्षमा अम्बिका सुवेदी, सचिवमा केशव प्रसाद मैनाली, कोषाध्यक्षमा मोहन प्रसाद बराल ,सदस्यहरुमा खड्गबहादुर बस्नेत, राजन घिमिरे, राजन कार्की, उतम चन्द्र शाह, प्रताप सिंह तामाङ, मींङमा शेर्पा र बिनिता कार्कीलाई चयन गरिएको संस्थाका व्यवस्थापाक दयाराम चौधरीले बताए ।
नयाँ लेखा समिति समेत चयन गरिएको छ । उक्त समितिमा संयोजक लीलामणि राई, सदस्यहरु खड्गबहादुर कार्की र दिपक लिम्बूलाई सर्व सहमतिमा चयन गरिएको चौधरीले बताए ।
संस्थाबाट सेवासुविधा तथा सौहुलियतमा बृद्धि गर्ने भावियोजनाका बारेमा प्रतिवेदन संस्थाका अध्यक्ष तामाङले प्रस्तुत गरेका थिए । कार्यक्रममा वार्षिक आयव्यय २०७५र०७६ प्रस्तुत गर्दै व्यबस्थापक चौधरीले साविक भरौल गाविस हाल बराहक्षेत्र ३, ४ र ५ वडा समेटिएको यस संस्थामा हाल १ हजार ३ सय २७ जना कुल सदस्य रहेको जानकारी दिए । जसमा महिला ८ सय ५२ र पुरुष ४ सय ७५ जना छन् ।
संस्थाको कुल निक्षेप बचत संकलन ५ करोड ११ लाख ४८ हजार ९ सय ७० रुपैयाँ ५६ पैसा रहेको छ । संस्थाको शेयर पुँजी ५५ लाख २२ हजार रहेको छ । संस्थाको कुल आयकर व्यवस्था पछिको खुद नाफा बचत ६ लाख ६ हजार २ सय ५२ रुपैया ८६ पैसा रहेको चौधरीले आ व्यय प्रस्तुत गरे ।
जसमा यस संस्थाको कुल कारोबार ६ करोड २० हजार २ सय २८ रुपैया कारोबार भएको थियो । उक्त कार्यक्रम कृष्ण तामाङको सभापति रहेको थियो ।
सिद्धार्थ मेमोरियल इङलिस स्कुलमा साधारणसभा भएको थियो ।
