इटहरी । यौन दुर्व्यवहार आरोपित मदन राई चार लाख रुपैयाँ धरौटीमा रिहा भएका छन् ।
जिल्ला अदालत खोटाङका न्यायाधीश सुभाषबाबु पुरीको इजलासले सोमबार थुनछेक बहसपछि उनलाई धरौटीमा रिहा गर्ने आदेश दिएको हाे।
राईविरुद्ध यौन दुर्व्यवहारको आरोपमा जिल्ला अदालत खोटाङमा मुद्दा दायर भएको थियो । उनलाई वैशाख २९ गते जिल्ला प्रहरी कार्यालय खोटाङले पक्राउ गरेको थियो ।
राईले बालबालिका सम्बन्धी ऐन २०७५ को दफा ६६ को उपदफा ३ (क) (ग) (ङ) अन्तरगतको कसुर गरेको आरोप लागेको छ ।
राईले सञ्चालन गरेको शुभद्रा मदन फाउण्डेसनमै अध्ययनरत बालिकाले बालयौन दुरुपयोगको कसुरमा जाहेरी दिएकी थिइन् ।
