सुनसरी । नेपाली कांग्रेस इटहरी २ नम्बर वडा समितिले बेदान्त हस्पिटलसँगको सहकार्यमा वडाका कोरोना संक्रमितलाई स्वास्थ्य सेवा तथा परामर्श प्रदान गरेको छ ।
मंगलबार समितिका वार्ड सभापति दिपेन्द्र घिमिरे नेतृत्वको टोलिले वडाका ६० जना संक्रमितलाई प्रत्यक्ष स्वास्थ सेवा, परामर्श र हौसला प्रदान गरेको हो । संक्रमितको घरघर मै गएर स्वास्थ्य परीक्षण गरिएको छ । समितिले लक्षण देखिएका र होम आइसोलेसनमा बसेर संक्रमणमुक्त भएका वडावासीहरुको पीसीआर परीक्षण गराउन सहयोग गरेको छ ।
वडाका संक्रमितिलाई थप समस्या नहोस् र हौसला मिलोस् भन्ने उद्देश्यका साथ परीक्षण, स्वास्थ्य सेवा, परामर्श र फलफूल तथा स्वास्थ्य सामाग्री प्रदान गरिएको वडा सभापती दीपेन्द्र घिमिरेले बताए ।
‘इटहरी वार्ड नं २ मा के कति संक्रमित छन् भन्ने सायद स्थानीय सरकालाई पनि थाहा छैन होला,’ उनले भने, ‘वार्डमा जनचेतनाको अभाव छ, अनुगमनको कार्य शून्य देखिएको छ ।’ उनले इटहरी वार्ड नं २ का २६ घरका ६० भन्दा बढी संक्रमितलाई घर मै पुगेर स्वास्थ्य परीक्षण, स्वास्थ्य सामाग्री वितरण गरेको बताए ।
घिमिरे नेतृत्वको टोलीमा वार्ड सचिव निराजन पाण्डे, वडा समिती सदस्य भोला पाण्डे र याम कुमार दाहाललगायत रहेका थिए ।
