बराहक्षेत्र । सुनसरीको बराहक्षेत्र नगरपालिका वडा नम्बर ४ जम्टोकी स्थित रोहित बस्नेतको धान थ्रेसर लगाउने क्रममा ट्याक्टरमा आगलागी भएको छ ।
शुक्रबार दिउँसो करिब ४ बज बस्नेतको खेतमा धान थ्रेसर लगाउने क्रममा उक्त थ्रेसरबाट अचानक आगलागी भएको भरौल प्रहरी चौकीले जनाएको छ ।
आगलागी हुने साथ भरौल प्रहरी चौकीका प्रहरी सहायक निरीक्षक रेवत थापाको कमाण्डमा प्रहरी टोली, स्थानीय बासी, बराहक्षेत्र नगरपालिकाको दमकलको सहयोगमा आगो नियन्त्रणमा लिएको प्रहरी जनाएको छ । आगलागीबाट बराहक्षेत्र न.पा. ५ बस्ने राजकुमार पौडेलको थ्रेसर र को २ त ७५०० नं. को ट्याक्टर साथै नजिकै रहेको १८ कठ्ठा धानको कुनिउ र पराल धान समेत जलेर नस्ट भएको प्रहरी जनाएको छ ।
बराहक्षेत्र न.पा.को दमकल र स्थानीयको सहयोगमा आगालागी भएको करिब ५ बजे नियन्त्रणमा आएका थियो । आगलागीबाट ट्याक्टर, थ्रेसर जली ३ लाख र धान पराल ७५ हजार गरी जम्मा अनुमानित ३ लाख ७५ हजार रुपैयाँ बराबरको क्षति भएको प्रहरीले जनाएको छ ।
आगलागीबाट कुनै मानवीय क्षति नभएको इलाका प्रहरी कार्यालय महेन्द्रनगरका प्रमुख पाण्डब राजवंशीले बताए ।
