रामधुनी । पुर्वमा थारु गीत संगित क्षेत्रमा दुई दर्जन भन्दा बढी सांस्कृतिक, नृत्य गीत, मायापिरतीका गीत गाएका प्रशिद्ध गायक सुनिल चौधरी त्यसैगरी पश्चिममा विभिन्न लोकप्रिय गीत गाएकी गायिका समिक्षा चौधरीको आवाजमा रहेको “तुहि हमर जिन्दगी” आगामी कार्तिक ३ गते रिलिज हुने भएको छ ।
सुरज चौधरीको सम्पादनमा रहेको गीत ऐकोस्टीक रेकर्डिङ्ग स्टुडियोमा रेकर्डिङ्ग गरिएको हो । पूर्वी थारुभाषा रहेको उक्त गीतमा नयन चौधरीको शब्द तथा व्यवस्थापन रहेको छ र जसमा संगित गणेश चौधरीको दिएका हुन्।
जसमा चर्चित कलाकार राजीव चौधरी र दिपिका चौधरीको प्रस्तुति देख्न सकिन्छ । हिरा चौधरीद्वारा निर्देशीत रहेको उक्त गीतको भिडियो छाँयङ्कन मेडम्यक्स फिलिम स्टुडियोले काठमाडौमा छाँयङ्कन गरेको हो ।
यस गीतमा सम्पूर्ण पूर्वी नेपाल देखी पश्चिमसम्मका कलाकारहरु एकै साथ देख्नसकिने छ । सिबिल इन्टरटेण्टमेन्टको युटुव च्यानलबाट गायक सुनिल चौधरीको जन्मदिनको अवसर पारेर कार्तिक ३ गते सार्वजनिक हुने भएको हो ।
