असोज ३० गतेबाट जिल्ला प्रहरी कार्यालय धनकुटामा म्यादी प्रहरीको १० दिने तालिमको उद्घाटन भएको छ ।
आगामी मंसिर ४ गते हुने प्रतिनिधिसभा र प्रदेश सभाको निर्वाचनमा सुरक्षा दिनको लागि आज आइतबारबाट म्यादी प्रहरी प्रशिक्षण तालिम सुरु गरिएको जिल्ला प्रहरी कार्यालयले जानकारी दिएको छ ।
उक्त तालिमको उद्घाटन जिल्ला प्रहरी कार्यालयका प्रमुख उपरीक्षक लक्ष्मीराज अधिकारीले गर्नुभएको हो । कार्यक्रमलाई सम्बोधन गर्दै उपरीक्षक अधिकारीले सम्पूर्ण तालिममा सहभागिहरुलाई आफुले तालिममा सिकेका ज्ञान र सिपलाई उपर्युक्त रुपमा कार्य गर्न साथै आफ्नो मनोबल उच्च राखेर सफलता पूर्वक सम्पन्न गर्न समेत निर्देशन दिए ।
१० दिन सम्म सञ्चालन गरिने तालिम जिल्ला प्रहरी कार्यालयमा हुने कार्यालयले जानकारी दिएको छ ।
