सुनसरी । आगामी मंसिर ४ गते हुने प्रतिनिधिसभा तथा प्रदेश सभा सदस्य निर्वाचनलाई लक्षित गरेर जिल्ला प्रशासन कार्यालय सुनसरीले मदक पदार्थ सेवन तथा ओसारप्रसारमा रोक लगाएको छ ।
कार्तिक २१ गते बसेको जिल्ला सुरक्षा समितिले यस्तो निर्णय गरेको हो । जिल्ला प्रशासन कार्यालय सुनसरीले एक विज्ञप्ति जारी गर्दै आगामी निर्वाचनलाई स्वच्छ, निष्पक्ष, सुरक्षित तथा भयरहित बनाउन यस्तो निर्णय लिएको कार्यालयले जनाएको छ ।
निर्वाचन सुरक्षा (व्यवस्थापन) निर्देशिका २०७९ को दफा ६ (थ)मा भएको व्यवस्था तथा जिल्ला सुरक्षा समितिको नियमानुसार बमोजिम मिति २०७९ कार्तिक २१ गतेदेखि निर्वाचनको अन्तिम नतिजा घोषणा नभएसम्मका लागि पदार्थ सेवन, ओसारप्रसार तथा विक्रीवितरण कार्यलाई बन्द गर्न जिल्ला बासीहरुलाई अनुरोध गरेको छ ।
साथै निर्वाचनलाई शान्तिपूर्ण ढङ्गले समापन गर्न सहयोग गर्न कार्यालयले सम्पूर्ण जिल्ला बासी, राजनैतिक दल, भातृ संस्था तथा उम्मेद्वारहरुलाई अनुरोध गरेको छ ।
यदी निषेधित अवधिमा निर्देशनको पालना नभएको पाईएमा कानुन बमोजिम कार्वाही गर्ने कार्यालयले जनाएको छ ।
