विश्व फुटबलको महाकुम्म मेलाको २०२२ को संस्करण कतारमा आयोजना हुँदैछ । हालसम्मकै ठूलो लगानी गरेको विश्वकप यसको विशेषता भिन्न र कल्पना गर्न नसकिने तरिकाको कतारको दाबी छ । हरेक चार बर्षमा आयोजना हुने यस खेलमा विश्वभरिका राष्ट्रहरुको सहभागीता रहेने यस खेल हेर्नेको उत्सुक्ता र रुची नेपालमा पनि उच्च छ ।
नयाँ रंगशालाहरूका लागि मात्र भनेर साढे ६ अर्ब डलर कतारले खर्च गरेको छ । विश्वकपकै लागि भनेर कतारले ड्राइभर आवश्यक नपर्ने मेट्रो सेवा समेत सुरु गरेको छ । पहिलोपल्ट अरब देशमा हुन लागेको विश्वकपलाई भव्य बनाउन कतारले कुनै कन्जुस्याइँ गरेको छैन ।
विश्वकप इतिहासको कालखण्डमा सबैले स्मरण गरून् भन्ने उद्देश्यका साथ कतारले विश्वकपलाई नै विशेष बनाउन अहिले पनि हजारौं कामदार दिनरात लागिपरेका छन् । विश्वकै धनी देशमध्येको एक कतारले बाटोको मर्मतदेखि होटलको पूर्ण तयारी गरिरहेको अवस्था रहेको छ ।
प्राकृतिक ग्यासको धनी देश कतारले विश्वकपका लागि तीन सय अर्ब डलरको बजेट भौतिक पूर्वाधार निर्माणका विनियोजन गरेको थियो । खर्चकै हिसाबकिताब गर्दा सन् २०१४ मा विश्वकप आयोजनाका लागि ब्राजिलले साढे ११ अर्ब डलर खर्च गरेको थियो । रुसमा आयोजना भएको सन् २०१८को संस्करणमा रुसले १४ अर्ब डलरको बजेट बनाएको थियो । २८ लाख जनसंख्या रहेको कतारलाई विश्वकै सबैभन्दा धनी देशमध्ये एक मान्न सकिन्छ ।
नेपालमा भने विश्वकप हेर्ने रुचाउनेहरुले २०२२काे संस्करणमा भएका खेलहरु प्रतक्ष हेर्नका लागि भने हिमालय टेलिभिजनबाट हेर्न सकिने व्यवस्था रहेकाे छ।
