मोरङ्गको क्षेत्र नम्बर ५ (ख) का प्रदेशसभा सदस्य उम्मेद्वार अमृत अर्याल अस्पताल भर्ना भएका छन् । नेपाली कांग्रेसका उम्मेदवार अर्याल सोमबार बिहान आफ्नो निर्वाचन प्रचारप्रसारको क्रममा नाकबाट एकास्सी रक्तस्राव भएपछि अस्पताल भर्ना भएका छन् ।
सोमबार विराटनगर–१५ बाट जहदा गाउँपालिकामा घरदैलो कार्यक्रममा जान लाग्दा अचानक अर्यालको नाकबाट रक्तस्राव भएको र तत्काल विराट अस्पताल बिराटनगरमा भर्ना गरिएको सचिवालय स्रोतले जनाएको छ । अर्याल लामो समयदेखि उच्च रक्तचापका बिरामी रहेका छन् ।
हाल उनको स्वास्थ्य स्थिति सुधारोन्मुख रहेको पारिवारिक स्रोतले जनाएको छ । अर्यालको स्वास्थ अवस्था बुझन उनका समर्थक साथै विभिन्न दलका नेताहरु अस्पताल पुगेका छन् ।
