सुनसरी । प्रभु बैंक र सेञ्चुरी कर्मसियल बैंकले मंगलबारबाट एकीकृत कारोबार सुरु गरेको छ । औपचारिक रुपमा सेन्चुरी बैंक प्रभु बैंकसंग मर्ज भएको हो । प्रभु बैंक लिमिटेडकै नामबाट नयाँ बैंक सञ्चालनमा आएको छ, जसको प्रमुख कार्यकारी अधिकृतको जिम्मेवारी अशोक शेरचनले नै पाएका छन् ।
पश्चात नयाँ बैंकको रुपमा स्थापना भएको प्रभु बैंकको चुक्ता पुँजी २३ अर्ब रुपैयाँ नाघेको छ । यस्तै, निक्षेप २ खर्ब ४८ अर्ब र कर्जा प्रवाह २ खर्ब ५३ अर्ब रुपैयाँ साथै करिब ३० लाख ग्राहक संख्या रहेको नयाँ बैंकले ३ सय ६५ वटा शाखा, ३ सय ९ एटीएम र ७२ एक्स्टेन्सन काउन्टरमार्फत वित्तीय सेवा प्रवाह भएको हुने तथा आगामी दुई वर्षमा बैंक सबै पक्षबाट अझ सबल र सुदृढ हुने बैंकका प्रमुख कार्यकारी अधिकृत शेरचनको दाबी छ ।
