सुनसरी । नेपाल राष्ट्र बैंकले एकीकृत परिपत्र २०७८ मा उल्लेख भएको नगद मार्जिनको व्यवस्थालाई हटाएको छ ।
अन्यदेशबाट आयातहुँने बस्तुलाई निरुत्साहनस्वरुप बैंकमा नगद मार्जिन जम्मा गर्नुपर्ने व्यवस्थालाई राष्ट्र बैंकले बिहिबार हटाएको हो । अन्य देशबाट आयात हुने बस्तुको मात्रामा बृद्धी भएर विदेशी मुद्रा सञ्चिति घटेको बताउदै राष्ट्र बैंकले एकीकृत परिपत्र २०७८ बाट उक्त व्यवस्थामा ल्याएको थियो ।
अब कुनै पनि वस्तु आयात गर्नका लागि नगद मार्जिन राख्नु पर्ने छैन् । उद्योगी व्यसायीले एलसी खोल्दा नगद मार्जिन राख्नुपर्ने व्यवस्थाको चर्काे विरोध गर्दै आएका थिए ।
गत बर्षकाे मंसिर / माघदेखि करिब १६ सय वस्तुको आयातमा एलसी खोल्दा नै ५० देखि शत प्रतिशतसम्म नगद मार्जिन राख्नुपर्ने व्यवस्था राष्ट्र बैंकले गरेको थियो ।
हालको अवस्थामा आयातमा कमिका साथै विदेशी मुद्रा सञ्चितिमा सुधार भएको भन्दै उक्त व्यवस्था हटाइएको बताइएको छ । नगद मार्जिनको व्यवस्था हटाए पनि बैंकले आफ्नो आवश्यक्ता अनुसारको एलसी खोल्दाको नगद मार्जिनको व्यवस्था गर्न सक्ने छन् ।
